Diaranson atardi den Caya Tumba na Cunucu Abou polisnan a keda dirigi pa un caso di atraco arma unda un persona lo a bay deal algun iphone cu otro persona. E persona cu tabata interesa den e celular a presenta cerca e otro persona cu un arma di candela y a kita e celularnan for di e persona y a core bay.
E victima a cuminsa core den e area unda el a pensa cu e atracadornan a core bay drenta mondi pero sin resultado. Polisnan a yega basta lihe pa busca informacion. A papia cu e victima cu a splica kico a pasa cu e dealmento di celular. Recherche di atraco team tambe a presenta pa haci nan investigacion.