HOLLYWOOD, CA, Merca- E actor y musico Mericano, tabata tin 67 aña. Na comienso di e aña aki, el a anuncia cu e lo conclui un carera musical di 50 aña door di e artritis.
E actor y musico Mericano, David Cassidy, kende den e decada di 1970 a protagonisa e serie di television ” The Partridge Family”, a muri diamars na edad di 67 aña, segun su famia a informa.
“David a muri rondona pa su sernan stima, cu alegria den su curason y liber di e dolor cu a afect’e durante tanto tempo”, su famia a bisa den un comunicado.
E musico a wordo hospitalisa diaranson ultimo y tabata den “estado critico”, despues di algun luna unda cu su salud a bay atras.
Na comienso di e aña aki, e cantante a confesa cu e tabata tin un bataya contra di e perdida di memoria y demencia, recientemente a haya problemanan cu su riñon y higra, y tabata mester di un transplante.
Na comienso di aña, Cassidy a anuncia cu el a hay’e obliga di conclui un carera musical di 50 aña, door di e artritis di cual e ta padece, segun su entrevista cu revista People, esey ta haci cu pe ta un martirio toca guitara, y tambe e constante biahenan cu e mester haci, door di su gira.
Despues di e éxito den decada di 1970, despues di varios album exitoso y aparicionnan na television, den e añanan cu a sigui Cassidy a lidia cu problemanan cu alcohol cu a conduci na su aresto na varios ocasion, door di a stuur cu nivelnan di alcohol mas halto di loke ta legalmente permiti y un proceso di rehabilitacion na 2014.
Na 2007, Cassidy a lansa un autobiografia “Could it be forever? My story”, unda e ta conta di e trampanan di fama y su prome dos matrimonionan, cu a termina den divorcio. E tin un yiu muhe, Katie Cassidy, naci na 1986, cu a nace di su relacion cu Sherry Williams Benedon y un yiu homber, Beau, cu su di tres casa Sue Shifrin, na 1991.
Despues di su di tres aresto na 2014, pa ta stuur bou influencia di alcohol, su casa Shifrin a pidi divorcio.
Na 2015 el a declara su mes den bancarota.
https://www.youtube.com/watch?v=CIDDEIWhuRU
Fuente: http://edition.cnn.com