Di parti meteo, for di dia cu e horcan a pasa banda di Aruba, no a kita ningun momento e alerta cu tabata tin pa lama pasobra e ta normal cu despues cu un horcan pasa, su efectonan. Nos a papia cu David Barkmeyer di Meteo, kende a splica cu no ta necesario pa e tormenta ta cerca pa e produci efecto. Na Januari tabata tin un sistema cu a manda labadera te Aruba. Den e caso aki no tabata tin. El a keda draai rond banda di Aruba y awo el a core bay direccion central di Caribe. E tabata riba e parti west di Haiti y eynan por bisa cu desde eynan, a cuminsa haya e deinennan tan spera cu tabata warda for di e momento cu Matthew tabata mas cerca mes. Awo e labaderanan a drenta cu e energia pa basta cu lama a bira bruto vooral den e parti di nort di Aruba, for di Arashi te na e parti di Bushiri.
Door di e sistema, cu ta emiti energia, y esey ta e presion cu e ta pone riba lama pa pone cu ta haya olanan y tin un periodo di por lo menos 10 seconde y ta cana bin bay leu asina, te ora nan yega tera.
Esaki ta algo normal, segun Barkmeyer. Cualkier di e sistemanan frontal tambe por produci deinen tambe basta formal.
Awor aki ta monitorea cu tin’e basta dia caba. Nunca e aviso di alerta no a kita, pero door cu lama tabata keto, no a ripara. Awor aki e lama a lanta atrobe door cu e sistema a pasa, keda un tiki slow banda di Jamaica y Haiti y eynan ta haya cu el a bolbe cuminsa emiti labaderanan cu a bira significante pa nos.
Den e proximo 12 pa 24 ora, e situacion lo ta un tiki mas miho, pero no completo.
Esaki no tin di haber cu un tempo nobo cu ta na caminda. Si nos wak riba mapa of imagennan di satelite, por mira den parti, zuidoost di Caribe, un ola tropical combina cu zona di convergencia, ta andando mesun caminda cu Matthew a nace. Den e casonan aki, no ta bon pa forma un ciclon tropical eynan. Loke si a forma ta noordoost di parti di isla Riba, cu ta tropical storm Nicole, cu a forma rapidamente for di un sistema di presion abao, cu tabata wordo señala ayera y awe a haya e nomber di Nicole, mirando cu el a haya un circulacion cera cu bientonan sosteni cu ta di tormenta tropical. Tin cu bisa cu no mester preocupa, pasobra Nicole ta mas of menos un 800 pa 840 kilometer noordoost San Juan, Puerto Rico y no lo bay drenta Caribe at all. E no lo bay bira un problema pa Aruba. Loke si tin cu wak ta ki efecto por tin riba lama. Door cu e ta bayendo basta duro, no lo bay haya mucho cos.