David A.L. Nacionalidad Hulandes a ser deteni pa tin na su poder 897 pakete di cocaina na 2021
Tin algun media social cu a publica cu; un di e hombernan cu a huy di e prison Bani na Republica Dominicana, a ser deteni pa posecion di 897 pakete di cocaina y su peso tabata di 918.25 kg cual a ser confisca na e costa di Matanza provincia Peravia, na april 2021, segun e fuente cu ta vincula cu e investigacion.
Na 2021 David A.L. huto cu otro dos homber, a ser sorprendi ora nan a purba drenta cu e paketenan di droga na e pais. Den e momento a tene un encuentro cu tiro cu e autoridadnan di e Direccion Nacional di Control di Droga (DNCD), pero a logra huy, un poco despues e autoridadnan a logra drenta un cas cerca di lama unda nan a wordo aresta y a haya na e cas diferente ekipo, documento y hopi droga.
Ora cu nan a huy riba diamars marduga di e prison di Bani, un persona a fayece. Segun algun vercion, e persona a muri durante e suceso, aunke e autoridadnan a declara cu “no tin relacion”.
