Departamento di Aduana ta participa orguyosamente na tur su clientenan cu e datacenter di Asycuda a muda for di Belastingkantoor pa su propio serverroom na ofisina Principal.
Cu esaki Departamento di Aduana ta purba na brinda un miho servicio no solamente pa su clientenan, pero tambe pa nos trahadornan cu ta uza e sistema diariamente.
E reto mas grandi cu a tuma luga ta e mudamento di tur data cu a ser acumula e ultimo añanan, esaki ya a surpasa 1 TeraByte.
Pa e motibo aki a scoge pa pone Asycuda down pa un dia cual a inicia for di diahuebs ultimo y a termina diabierna atardi. Durante weekend cu a pasa diferente test a wordo haci pa’sina completa e trabou.
Semper ora tin cambio den e infrastructura di un software e por tin su consecuencianan. A base di e cambio aki Aduana ta pidi su cliente si tin algo cu no a bay optimal, nos ta conta cu sosten di tur cliente pa e feedback necesario pa’sina por trece mehoracion.
Si tin cualkier pregunta of sugerencia tuma contacto libremente cu Asycuda Project Team na ext. 811 of IT Helpdesk na ext. 820.
Departamento di Aduana ta participa na tur cliente cu por bishita e Asycuda Portal nobo pa mas informacion, tambe pa haya e ultimo desaroyo.
Un gradicimento ta bay na Asycuda World Aruba Project Team, IT Team pa nan asistencia pa cu e logro aki y e pasenshi di cada miembro di Aduana cu ta traha directamente cu e systema durante e proceso aki.