Carnaval 71 ta tras di lomba Darren van Ommeren a menciona durante un entrevista, un Carnaval 71 cu tabatin su retonan, carnaval ta keda cu su reto y no ta facil pa organisa e carnaval den su totalidad pero tin cu menciona un temporada hopi exitoso.
E eventonan a culmina den un bon forma, si mira e paradanan tambe tabata exitoso. Aunke porta pueblo ta bisa cu tin detencion pero asina mes hopi di esaki sea a keda igual of a baha maske ta un tiki of no tabatin algun den algun parada cu esaki tur ta receta cu e temporada tabata uno exitoso.
Nos a introduci PPV, ruta nobo di jouve y diferente otro aspecto cu a bin cune y a bay bon y nos ta contento pa cu esaki y e ta tras di lomba y tabatin un bon temporada unda e raad van toezicht a para nos tras 100% y Darren ta gradici e confiansa cu nan ta deposita den nos bestuur, nos miembronan di bestuur a uni y a pone trabou move y zorg pa tur esaki keda realisa y danki na nan y ne voluntarionan cu ta yuda durante e temporada di Carnaval, aunke nan tin nan trabou figo pa cumpli cune, pero manera haya dia liber of ora a sa di duna cooperacion na Carnaval. Darren ta sigui gradici tur sponser, comercio, stakeholders, departamentonan di gobierno, sin e stakeholdersnan no por organisa carnaval unda tin mantene parti di siguridad tanto pe participantenan, y e mironesnan.
Nos ta organisa y coordina e Carnaval danki na tur hende cu a duna nan aporte y Gobierno di Aruba cu a zorg pa tin un carnaval 71 manera mester ta.
Premio awendia no ta facil debi cu e ta un costo pe compania su inversion, e aña aki ta bay aserca diferente comerciante y diferente partners pa haci esaki mas mihor. Si nos tin cu purba haci e premionan mihor, debi e ta poco dificil pa bo haya premio y dificil bo haya parti financiero di comercio mirando cu comercio ta respalda esaki, y nos ta keda traha riba dje pa un momento of otro pa tin calidad di premio.
