Daphne Tecklenborg ta directora di Bureau Sostenemi y a conta cu e proyecto #Stopawo, a lanta na 2014. Esaki tabata un iniciativa di minister di asuntonan social, hubentud y labor, Paul Croes. Na 2015, Bureau Sostenemi a acepta e reto y a sigui cun’e. A pidi como partner mesora Fundacion Respetami y tabata hopi contento cu nan a join den esaki.
Fundacion Respetami ta esun cu ta traha pa prevencion di abuso di menor. Ta asina cu 20 di November ta celebra Dia Internacional di Derecho di Mucha y aña pasa tabata prome biaha cu a lansa e actividad derecho di mucha ta conta bao di e kleuterschoolnan.
Dicon bao di e kleuterschoolnan?
Hopi di e kleuterschoolnan tabata indica cu no tin mucho actividad riba e fecha aki, specialmente pa kleuterklasnan. Ta pensa cu ta importante cu di chikito cuminsa siña e menor papia den klas kico ta su derechonan, pa asina awe mañan ora e ta un adulto, pa e siña na su luga su yiunan, kico ta su debernan cu e tin, pa ofrece e muchanan e mesun derecho cu el a disfruta di dje, mientras cu e tabata chikito, segun Tecklenborg.