Marlon Croes di DOW a bisa cu Aruba ta basta bendiciona unda nos a lanta cu masha poco daño acousa di e yobidanan. Sr Marlon a menciona cu prome cu e pasada di e tormenta a ricibi 30 melding y despues di e pasada a ricibi 44. Un total di 74 meldin a ricibi di e comunidad.
Mayoria di e meldingnan tabata molester di awa cu fluha y e otronan tabata caminda cu santo y of caminda cu buraco y hasta mata a cay riba caminda. Pa loke ta trata e areanan cu semper ta afecta pa inhundacion a pasa tur, Zeewijk, Pos Chikito, no tabatin ningun problema. Madiki, Palm Beach tambe ta e dos area cu a lanta bon tambe.
Tabatin hopi santo riba caminda y e personal di DOW a cuminsa traha di biaha riba esaki.
Area di Bushiri e lama a lanta sushi y e personal di DOW encarga cu limpieza a traha di biaha riba esaki. Tamarijn beach e santo a laba bay y hopi baranca a keda. E otro lamanan a keda bon. E saliña no tabatin ningun problema. Nos tin hopi trabou nos dilanti pa mehora nos infrastructura pa futuro. Marlon Croes a bisa e ta gradici full e ekipo cu a maneha e preparacion y recuperacion di e tropical.