MANAGUA, Nicaragua – E Frente Sandinista di Liberacion Nacional di Daniel Ortega ta lidera e recuento di e eleccionnan presidencial na Nicaragua cu 72.5% di e votonan, cu casi 100 di e mesanan scrutina, segun resultadonan oficial.
Segun e cifranan oficial, Ortega a impone den e urnanan pa su di tercer mandato consecutivo, e di cuatro en total.
Su oponente Maximo Rodriguez, a obtene 15% di e votonan.
Diadomingo, dia 6 di November, e Nicaraguensenan a acudi na e urnanan pa eligi e presidente, vicepresidente, diputadonan di Asamblea Nacional y representantenan pa Parlamento Centroamericano pa e proximo cinco añanan. Segun datonan di Conseho Supremo Electoral un 3.8 miyon di persona tabata habilita apto pa eherce e derecho aki.
E actual eleccionnan a duna den un contexto polemico como perdida di e representacion legal di e principal partido opositor pa e decision di e Tribunal Supremo di Husticia y e postulacion di presidente Ortega banda di su casa, Rosario Murillo, kende ta aspira pa e vicepresidencia.
E centronan di votacion na comienso di e mainta, tabata tin un constante afluencia di e votantenan, aunke oranan despues a nota un disminucion den e participacion. Sectornan di e oposicion cu den ocasionnan reitera a yama na e abstencion den e eleccionnan aki, ta bisa cu e descenso aki ta e expresion di descontento di e poblacion cu Gobierno, mientras cu autoridadnan ta considera cu ta e parti normal di e proceso.
Durante e eleccionnan aki no tabata tin observacion electoral pa decision di e Gobierno, aunke si tabata ti bishitante bao di e nomber di “compañantenan electoral”, segun Conseho Supermo Electoral a indica, kendenan ta experto riba e tema di eleccion.
E hornada di eleccion a tuma luga sin contratiempo.
E pais a yega na urna cu e yamado di un sector di e oposicion pa e ciudadanonan protesta en contra di e proceso electoral y pa nan no bay vota.
Fuente: CNN en Español