Manera cu a informa mas durante dia, a tuma luga un caso caminda cu Daniel Orozco, empleado di Señor Frog’s International a lanta contra pais Aruba. Akinan hues a dicidi cu e cabayero aki ta liber pa bandona Aruba na su discrecion, despues cu el a cumpli cu mandato di e compania madre pa laga cera Señor Frog’s na Aruba. Riba dia 23 di November, Orozco a bay aeropuerto pa e bandona Aruba, pero a wordo para pa e trahadonan pa asina e evita di sali for di Aruba pa e para responsabel pa e debenan di e compania cu a maneha Señor Frog’s na Aruba, Jobem NV. Argumento inicial tabata, cu el a actua como autoridad door di a laga cera e establecimento y tin cu para pa e debenan di belasting cu e compania Jobem NV tin.
Den e kortgeding aki, ta para den e veredicto cu e prohibicion di salida di Orozco mester wordo lanta di inmediato y si en caso no cumpli cu e mandato aki, mester paga 5000 florin pa cada dia cu no cumpli cun’e, haciendo esaki un maximo di 1 miyon di florin.doc120216-12022016093914