Daniel Aguire a splica cu berdad e plan di a bin cu e ley aki tabata di 10 aña pasa pero porfin e ley a bira uno real cu nos por cuida nos medio ambiente na 2017 y awor mester bay disciplina e pueblo pa sea busca saco cu no ta haci daño na nos medio ambiente.
Papiando di saco di plastick y saco di papel, en berdad a ripara cu hopi di comerciantenan a cuminsa busca esey como un alternativa bon. Aguire a mustra cu e saco di plastick tipo t-shirt no ta bay wordo uza mas. E saco aki ta un saco cu ta wordo uza un solo biaha y e ta crea hopi problema pa nos bida marino. Mas tanto pa e turtuga pasobra e saco ta bay den lama, e ta parce un jellyfish, e bestia ta come nan y e ta muri. Un pida chikito mes cu drenta den su sistema por afekt’e. Mirando cu nos ta un isla bendiciona cu hopi biento, ta lag’e bula bay y por ta un problema serio. AHATA di su banda ta embrace e ley aki contra saco di plastick. Tin un tas cu AHATA a yega di traha den pasado di material duro y cu por wordo uza. Si lore por warde den auto, den bo tas, y ora cu bay supermercado por tin’e. Tin hopi idea riba reciclamento, vooral pa tas di haci compras.Tin un otro tipo di saco cu ta reusabel cu ta di un tipo di material manera un paraplu cu ta hopi duro cu ta wanta awa, etc. Lo importante di esaki cu kier bisa e publico en general, haci uzo di promove bo mes. Bo por pone hopi cos riba e saco cu ta bira un propaganda no paga. Hende ta cana cun’e y ta saca e costo di bende na prijs di e costa of por ta por regal’e. Tin idea di haci un donacion grandi di tas di parti di e Comite y di AHATA y hotelnan, pa cuminsa pusha esey. No kiermen cu ta bay haya dimas, pero suficiente por bay supermercado y no haci inversion. Ya tin varios supermercado cu tin añanan largo haciendo esey. Ta aplaudi nan esfuerso y ta keda yuda. Tin supermercado cu ta bende mesun tas insola, cu por bay cu cos friu pa largo y tin tas no insola, di diferente material. Ta pidi tur hende cuminsa spaar. E tas bon cu bo tin na cas, ward’e. Ainda tin algun caminda na sur America ta uza tipo di tasnan asina. Na Europa no ta haya saco di plastick tas. Bo tin cu bay cu mesun tas of cumpra uno.