E situacion di nos turismo e aña aki lamentablemente no a conoce un mehoracion. Nos a haya awe na ATA un presentacion di riba e cifranan di aña 2016 y tambe con e pronosticonan pa aña 2017. E ultimo 2 añanan aki 2014 y 2015 Aruba a experiencia un turismo cu NO ta solido. Pa 2 aña largo tabata tin crecmementonan ficticio den cantdiad di bishitante y esaki tabata debi na e crecemento inusual for di turistanan for di Venezuela. Awe ta resulta cu pa 2 aña largo a regsistra cada aña 200.00 turista cu NO tabata turista y asina e bende pueblo un 6 pa un 9 y bisa pueblo cu turismo lo ta bayendo bon. Mi no ta kere ta tarea di un minister di turismo of un Gobierno ta pa manipula pueblo y gaña pueblo cu turismo ta bon. Ta na su luga pa semper nos papia cu e berdad nos dilanti.
Durante e presentacion cu miembronan di e comision fiho di turismo a ricibi a sali na cla cu aña 2016 lo ta un aña hopi dificil. E aña 2016 tur indicador den nos turismo ta demostrando un tendencia negativo. Nos mester menciona cu e aña aki ATA a inverti mas placa cu unca den mercadeo mirando cu nan a anticipa caba di comienso cu e aña aki lo ta un aña dificil. Tin algo cu ta bayendo robes pasobra no por ta asina cu ta inverti mas placa den mercadeo y e resultado pueblo no ta mire ni sinti’e. Ta obvio cu e maneho di minister di turismo a enfoca riba cantidad di turista y no calidad. E aña aki tin te hasta un caida di 4% den cantidad di placa cu turistanan ta laga atras. Placa di mercadeo ta wordo inverti no solamente pa trece e turistanan Aruba pero mi ta kere e enfoke mester ta pa trece esnan cu realmente ta gasta placa den nos economia cual lamentablemente nos e pasa e ultimo añanan aki.
Mas preocupante aun ta e hecho cu e aña aki tabata tin caida registra den practicamente tur luna di aña den cantidad di bishitante. Den e tabel aki ta wordo ilustra con malo nos turismo ta bayendo e aña aki:
Na e momentonan aki mester bin accion di inmediato pa remedia e situacion di crisis cu tin cu a wordo ocasiona pa e maneho di minister Otmar Oduber. E cifranan ta papia pa nan mes y e ta preocupa nos e situacion cu tin actualmente den nos turismo! Na fin di aña 2016 segun tur e proyeciona di ATA lo tin un caida de 4% den cantidad di bishitante, un caida di casi 4% den cantidad di placa cu turistanan ta laga atras, un caida den REV PAR di 2.6% y te hasta un caida den e NET RESULT di ATA. Segun e proyecionan di ATA cual ta proyecionan conservativo, otro aña e NET RESULT di ATA lo ta unicamente 477.00 florin cu e risico cu ATA lo por core den cora pa prome biaha! Esaki ta e situacion actual den nos turismo!