Deporte ta den decadencia, nunca a mira asina tanto negligencia den deporte! Y rebendedonan di Lotto pa Deporte ta pasando den duro bou di presion di e maneho stipula dor di e Canadesnan. Ta un berguensa cu nos minister di deporte Sr. Alex Schwengle ta pronkia cu esaki sabiendo hopi bon cu deporte a haya cortamento tras di cortamento den subsidio.
Papiando di good corporate governance mi ta haci un suplica na Minister di deporte pa publica e contract asina beneficioso pa grupito di gobierno cu Canadian Bank Notes (CBN). Nos tin 7 aña ta puntra gobierno pa cu esaki pero sin haya niun copia. Si en berdad bo tin deporte na pecho bo no tin nada di sconde. E structura di Canada y Lotto pa deporte ta crea hopi duda.E Canades nan tin un compania registra na Aruba cu tin e contract cu Lotto pa Deporte.
Lo ta bon pa duna claridad kende ta e beneficiadonan final di e compania aki ta. Minister Schwengle ta kere cu pueblo ta bobo, hasta yamando bario unda e la crece como bario “BRUHA”. Si ta asina ki bo ta trata bo mesun hendenan ta kende e ora anos di pueblo lo ta cu tin wowo critico?? Yama mi bruha of loco, mi lo sigui bringa pa nos hendenan y no trapa riba nan. Mi ta sumamente desapunta den Mike Eman cu a logra dor di manipula y gaña drenta gobierno pa despues sinta fix hopi cos bou mesa pa un grupito. Mike Eman a sa di gasta, malgasta y tira placa di pueblo sin misericordia.
Aworaki cu blessing di Mike Eman Minister Schwengle ta bira miyonario riba lomba di e rebendedonan cu ta traha asina duro. Den ultimo 7 aña gobierno actual a sa di bende, financia debe y abusa di patrimonio di Nos pueblo. Aruba mester un gobierno di pueblo i pa pueblo. Un gobierno cu sa balora nos hendenan, cu ta duna preferencia pa localnan bay dilanti i cu ta pone berdad, norma y balor y sano huicio na prome luga. Ami ta boso defensor y lo sigui bringa pa tin un futuro alentador pa nos tur! Vota Mep, vota Dangui!