Damnan di Aruba ta cla pa ricibi awa di yobida

E damnan na Aruba, en principio, e infrastructura a wordo haci limpi y a haya nan mantencion, cla pa ricibi yobida. Na comienso di aña nan tabata practicamente bashi pero e yobida grandi na januari a yuda hopi, como tambe e yobidanan durante aña, cu ta loke ariba Sta. Rosa ta draai pa yuda e cunukeronan. Sra. Nathaly Maduro, directora di Santa Rosa ta amplia.

Loke si a bin ta ripara cu hopi companianan di construccion, y nan ta haci uzo vooral di e damnan principal, cual ta dam di Rooi Afo y di Tanki Leendert. Esaki ta fastioso, ya cu si e awa di e damnan aki baha, e ta bira un problema. Ta purbando pa conscientisa tur hende pa ora cu awa yobe, purba di gara mas awa cu ta posibel. E hendenan cu tin regenbak na cas, pro wak cu tin ora e gootnan a kibra, nan no tin nan poni na nan luga, Santa Rosa ta pidi pa considera pa wak con ta gara mas awa y pa den futuro, cu si tin calamidad di awa, esakinan por saca un man yuda e cunukeronan.

Santa Rosa a haci un yamada na polis ambiental, cu lo extende nan cooperacion, unda cu nan lo pasa controla pa si tin sushi, esakinan lo wordo recolecta di biaha, pa evita cu si sigui yobe, esaki no ta den e damnan. Pa loke ta e trucknan cu ta colecta awa na dam, Sra. Maduro a bisa di cu mester bin un ahustacion di nos leynan. El a papia cu minister Romero ariba e problema di awa y tambe di e trucknan cu ta busca awa na damnan, y e mandatario na su turno a keda di reuni over di esaki cu su colega di Infrastructura, bou cual e damnnan ta cay, ya cu esaki ta cay bou di DIP.

Esaki ta un situacion fastioso, ya cu cada compania, ora di entrega bid, ya e parti di awa ta inclui den e proyecto. Si esaki ta e caso, no saca awa di dam, of uza e dam di Moko of e plantanan di reciclahe, cu Santa Rosa no ta bin den aanmerking ainda pa e awa. Pero den nan caso, nan si por haci uzo di e awa aki pa trabaonan di construccion. Santa Rosa tin’e ariba su lista di prioridad y lo documenta esaki pa asina e documento pro sigui canaa y ta spera cu por yega na un acuerdo pa por yega na proteccion di e damnan. Te asina leu, Sra. Nathaly Maduro, directora di Santa Rosa.

Comments

comments