Diabierna atardi polis ta keda informa di un accidente basta pisa riba Av Nelson Oduber ex Sasakiweg unda cu lo tin un auto marca honda pega contra un troncon di mata y tin hendenan herida y mucha. Di biaha a mobilisa varios polis p’e sitio y hasta ambulance y brandweer. Bomberonan di biaha ta drenta accion pa corta e auto pa saca e personanan, un mucha tabata for di e auto caba unda hendenan y paramedico tabataa yudando e cu pia drechi herida, y den e auto a keda un mama y un otro mucha cu tabata basta herida cu cortanan serio na ambos pia.
E senario a shock tur hende cu tabata yudando, debi na e forma con e auto a pega full banda drechi a kibra casi den dos den banda di chauffeur.
E dos muchanan herida a keda transporta cu urgencia pa hospital pa atencion medico avansa. Polis di trafico di biaha a cuminsa cu investigacion hunto cu departamento tecnico, fiscal di trafico tambe tabata n’e sitio. Familiarnan tambe a cuminsa yega na e sitio, tata, mama y rumannan, slachtofferhulp di biaha a cuminsa duna man n’e famianan den momentonan dificil. Dokter Texier a presenta pa asina constata morto di e mucha muhe J.W.R.I.G 24 aña. A cera e area pa asina saca e curpa sin bida for di e auto. Na final takelwagen a lanta e auto destrui, despues cu e investigacion a termina a habri e caminda.