Diasabra pasa di 11:45 anochi na e crusada di Sasakiweg y Bubali altura di super food un accidente basta fuerte a tuma luga cu a laga dos auto kibra y un persona levemente herida. Patruya di Noord a presenta na e sitio y a topa cu tanto dos auto hyundai accidenta. A constata cu e hyundai accent blanco tabata biniendo for di pariba a subi e crusada sin a duna preferencia, sali dilanti e hyundai veloster geel. E motibo ta cu e luznan di trafico no tabata den funcion. Ambulance tambe a presenta unda paramedico a controla tur hende y un persona tabata rekeri asistencia medico.
