Diadomingo pasa di 11:50 anochi riba e caminda di Hato, poco panort di Epb a sososde un accidente unda un dama chauffeur tras di stuur di un hyundai accent a dal un homber cu tabata canando riba caminda bayendo pa cas.
E peaton a bay cay den yerbanan cu tin pariba di caminda, e zonido a lanta habitantenan for di soño y ora a sali pafo a topa cu e situacion. Prome patruya a presenta di biaha y topa cu e homber benta den mondi den un situacion critico. E homber no tabata reacciona mucho bon ni move cu consecuencia a solicita e ambulance presenta cu urgencia.
Patruyanan a cera e caminda evita pa autonan yega cerca y stroba autoridad haci nan trabou. Paramedico a haya ayudo di polis y asina a lanta e homber herida di riba 30 aña y a keda transporta cu urgencia pa hospital pa haya atencion medico avansa.
Specialista di trafico tambe a keda solicita pa haci nan investigacion, na e sitio a detene e dama chauffeur.