NEW HAMPSHIRE, Merca – Nunca ta laat pa converti un soño den realidad y e historia di Amy Craton ta e prueba cu e esfuerso y gana, hopi di nos obhetivonan den bida por wordo alcansa.
Na edad di 94 y despues di a aleha di Universidad durante un periodo di 50 aña, e bisabuela aki a logra caba cu e carera cu a cuminsa na 1962 y a haci, nasa mas ni nada menos, cu un promedio di 10.
Craton a sinti cu e mester a caba cu e carera cu un biaha el a cuminsa cun’e y cu pa distinto motibo nunca por a caba. “Semper mi a gusta studia, pero ora cu mi a divorcia, mi mester a dedica mi mes na cria mi yiunan. Awo cu ya nan ta adulto, mi por retoma loke mi a laga pendiente,” el a bisa den un entrevista na NBC News.
“Mi no por a keda sinta ta mira Netflix henter ora,” Craton a confesa den un video proporciona pa Southern New Hampshire University (SNHU).
Asina ta cu na 2013 Amy a dicidi di inscribi na SNHU pa cuminsa un biaha mas cu su estudionan pero di manera online. Den un rolstoel y cu dificultadnan auditivo, Craton a presencia cada un di e lesnan den su cas di Honolulul, Hawaii y cu poco, cu hopi tenacidad, no solamente el a logra obtene e titulo di Bachelor den Arte den Escritura Creativo y Ingles, sino tambe a converti den e alumno cu e miho cualificacionnan di tur su clase.
“Mi ta purba di biba mi bida al maximo. Si bo ta na cas, coy un buki y bebe. Expande bo mes, amplia bo conocimento y bo bida,” e bisabuela aki ta conseha, cu ademas, ta revela cu ora cu a haci algo pa bo mes, bo por logra sin duda un sensacion di bienestar y un alegria profundo den e curason.
Fuente: www.laopinion.com