Relaciona cu e accidente pisa diaranson pasa di 12’or marduga riba LG Smith Blvd unda un homber y muhe riba un brommer a keda alcansa pa un kia picanto cu a yega lora nan dilanti.
Segun investigacion e chauffeur bebi di e picanto biniendo di pabou a yega lora dilanti e brommer cu tabata biniendo for di pariba.
E dama a bula y a bay cay mas cu 30 meter leu di e accidente y e homber a cay riba un tereno y por lo menos 10 meter leu di e brommer.
Na e sitio polisnan cu a topa cu e accidente a constata cu e dama no tabata reaccionando mucho mas y a pidi ambulance cu sumo urgencia y transporte pa hospital di biaha. E dama di 21 aña a keda interna den coma debi cu e tabata critico. Familiar a keda poni na altura unda e mama tambe a yega Aruba despues di algun dia y tabata t’ey te na final hunto cu amistadnan y su doño di trabou.
Diadomingo bahada di solo a drenta informe cu e kita mashin for di e curpa di Luisa Torres Gutierrez naci na Colombia 16 di juli 2002. Y ta birae di 8 morto den trafico.
Palabra di profundo consolencia na famia y tambe na e team completo di Sandra’s Garden ya cu Luisa a caba di labora e dia ey y bayendo cas.