Willemstad Curacao: Djabièrnè 2 mart 2018, alrededor di 22.11 or, Sentral di Polis a haña notifikashon di un kaso di bringamentu ku ta tumando lugá na Klein Sta. Martha.
Na yegada di e patruya e agentenan a topa ku un (1) hòmber drumí kantu di kaminda ku un kòrtá na altura di su frenta. E hòmber a splika polis ku e tabata tin un diskushon ku un famia (femenino) di dje i esaki a kòrt’é ku un opheto skèrpi.
En konekshon ku e maltrato ariba mensioná polis a detené e dama R.M.M. nasé na Kòrsou, 25 aña di edat komo sospechoso di maltrato ku arma.
A presentá R.M. dilanti un Fiskal Ouksiliar ku a ordená su enkarselashon pendiente mas investigashon.