Diaranson anochi autoridad a keda informa di un persona cu a mira un dama band’i lama di Eagle Beach cu tabata grita y tabata haci cosnan straño, di biaha a dirigi patruya. Por a tuma nota cu tabatin dos patruya n’e sitio y oficialnan a cana bay na e beach y topa cu e dama band’i algun di e stoelnan di lama y tabata grita y tur na santo.
E dama posiblemente lo a dal algo y tabata haci cosnan cu no ta normal y tabatin sanger na su curpa y por a tuma nota di cortanan bieu na su curpa cu ta indica cu e dama tabatin intencion den pasado pa pone fin na su bida y aki e oficialnan a pidi presencia di ambulance.
Paramedico a presenta di biaha y aki a haya ayudo di polis y a pone e dama riba e cama di lama y carg’e bay te na e ambulance y a pone di e cama di ambulance mar’e y bay hospital di biaha. Mes momento a notifica Slachtofferhulp pa presenta na hospital pa mira e pasonan pa tuma cu e dama haya atencion necesario.