Riba e caminda di Bubali net band’i super food diaranson anochi ta sosode un accidente unda un dama tras di stuur di un kia rio color cora bayendo direccion pabou a dal den un pickup.
Roadservice y polis di trafico tabata presente, e dama a declara cu di berdad el a pasa man pa su celular y tira un bista mientras e tabata tras di stuur y a bay den banda contrario dal basta duro den e pickup parti patras y a kibra e wiel completo di e pickup.
A pone e dama supla pa control di alcohol, y a haya un multa y un prohibicion pa core auto, debi cu e dama tabata coopera cu polis. Takelwagen di seguro a presenta y a bay cu ambos vehiculo pa nan destino.