Rib’e caminda di Bubali net otro banda di Euroceramica diasabra merdia ta sosode un accidente entre dos auto y cu persona herida. Polisnan y ambulance di biaha a keda dirigi p’e sitio, patruya a cera parti di e caminda debi cu tabatin un hyundai i10 y un hyundai tucson.
Polis a saca afo cu e dama den e hyundai i10 lo a perde control pa un of otro motibo baha caminda y a subi caminda bek y dal den e hyundai tucson blauw biniendo fo’i pabou. E impacto tabata fuerte cu a laga un hende muhe na stuur di e hyundai i10 leve herida. E dama chauffeur den e hyundai tucson tabata spanta di e sucedido.
Daño material tabat considerabel. Na final takelwagen a kita e autonan destrui fo’i caminda.