Diabierna atardi den e calor cu tin habitantenan di Rooi Bosal a keda sin coriente debi cu un dama chauffeur di un suzuki liana coriendo duro a perde control den e birada skerpi y dal kibra un pal’i luz cu cabelnan di voltahe y drenta mondi.
E dama a resulta levemente herida, polis a presenta y a cera parti di e caminda. Personal di Elmar a presenta di biaha pa corta coriente den e area debi cu e poste tabata full den banda casi pa cay.
DOW a presenta cu baricada pa cera e caminda debi cu ta bay dura basta pa personal di elmar cu e trabounan grandi cu tin haci pa pone un poste nobo y core tur e kabelnan di nobo.