Diadomingo pasa di 10:30 mainta net ne rotonde Pos Chikito a sosode un accidente unda un chauffeur femenino a bay mucho na su man robes y a dal contra di e blokinan cu tin memei di caminda net pabou di e rotonde. Debi na e impacto e dama a resulta herida, tanto polis y ambulance a presenta rapidamente n’e sitio.
Paramediconan di ambulance a brinda asistencia na e dama leve herida y a keda transporta pa hospital. Polis a tuma dato di e accidente aki y a mantene caminda cera un rato te ora cu takelwagen a kita e auto for di riba caminda.