Central ta dirigi patruya na altura di Pizza Hut riba Sasakiweg, caminda cu un chauffeur di un Toyota Tercel blanco lo a bira malo y lo a para e auto na canto di caminda. K9 unit a meld na Central cu e tabata den vecindario y lo a bay na e sitio. Eynan unidad di K9 a splica cu e dama tabata sangrando basta formal for di su nanishi. Mientras tanto un otro patruya a mira e auto y tambe a bay pa duna asistencia. E dama GhP tabata tin dolor di cabes y tabata sangra for di su nanishi. El a conta cu diripente el a sinti su mes malo y a dicidi para e auto na canto di caminda. Mirando cu e chauffeur tabata na tino y por a conta di su situacion, a dicidi pa hib’e den su propio auto na hospital. Un otro colega a fungi como un chauffeur di e Tercel, mientras cu patruya tabata core tras di nan direccion hospital.
Rond di 1’or y 55 di merdia, a yega hospital, caminda cu security di hospital a trece un rolstoel. E dama, riba propio forsa a sinta den e rolstoel y a wordo hiba paden pa tratamento medico. Central a wordo poni na altura.