Diabierna anochi patruya ta topa cu un dama canando memei di caminda na Balashi den un forma perdi y mas patruya a presenta pa asina duna un man. Agentenan policial femenino a baha di biaha pa atende cu e persona pa saca afo kico a pas’e cu e ta canando riba caminda den forma peligroso.
E dama a cuminsa grita polis, y te hasta insulta y intimidanan na algun ocasion e dama a bisa polisnan si nan kier pa e kita su paña pa nan wak e sunu, y un sin fin insultonan cu polis a wanta den un rat’i ora.
Mientras cu a pidi e vehiculo di transporte cu tabata na caminda, a keda papia cu e dama cu tabata mustra di ta bou influencia di algo, debi e manera cu e tabata papia cu oficialnan y rebaha su mes como hende muher pa hisa su paña a pone cu manera cu e vehiculo di transporte a presenta a pone e dama na boei y bay warda cune.
Na warda lo saca afor kico tabata problema cu e dama y si e ta bou influencia di algo lo haya un cuarto pa sosega e curpa.