Diadomingo den oranan di marduga mientras cu autoridadnan tabata ocupa cu e accidente pisa na Sero Patrishi a drenta informa cu un auto a ranca un pal’i luz riba e caminda di Morgenster pero esaki a bandona e sitio.
Unidadnan a presenta y di berdad a topa cu e palo completamente destrui y wayanan di coriente riba caminda. Testigonan cu a mira a comenta polis e direccion cu e auto a bay y rato despues a topa cu e auto staciona dilanti un cas na Sero Patrishi y tambe a dal den un auto staciona. Pero e chauffeur a bandona e sitio tabata un hende muhe na stuur. Departamento forensico a saca potret y polis di trafico a tuma dato, y tuma e auto den beslag. A tuma e pertenencianan den e auto di e hende muhe tambe den beslag.