Diadomingo anochi habitantenan di Tamarijn a scucha un desordo basta fuerte pafo di cas y ora a bay wak ta kico a sosode ta un accidente, y a scucha un dama ta grita pidi ayudo den e rooi. Algun persona a bay duna un man y constata cu tin un auto gebolter den mondi den e rooi.
Polisnan di biaha a presenta n’e sitio pa mira e situacion y e dama a sali herida for di e auto y den e rooi cu ayudo di algun persona cu a yude subi. Ambulance a presenta unda paramedico a brinda asistencia medico.
Polis a constata cu e dama chauffeur bahando di pariba a perde control pa un of otro motibo y a drenta e mondi y cay den e rooi y e auto a keda riba su dak.