Diamars anochi habitantenan di Wayaca a topa cu un señora benta abou na sanger banda di un bari di sushi y tabata pidi ayudo. Ambulans a presenta di biaha y paturya di Oranjestad tambe a keda solicita pa acudi na e sitio.
Patruya ta yega di biaha na e sitio y di berdad ta topa cu e señora benta abou na sanger y tabata keha di dolornan na curpa. E señora a duna di conoce cu el a gatia for di den cas te pafo pa scapa di keda maltrata for di e homber. Polis a bay den e apartamento topa cu glas kibra pero e homber mes no tabata t’ey. Ambulans a atende cu e señora, polis a notifica recherche y departamento tecnico di e caso.