Diadomingo pasa di 5’or di mainta net patras di corte di husticia un dama tras di stuur di un nissan march a sigui e caminda straight y dal basta duro den e cura di hero di corte.
E impacto fuerte aki a pone cu e airbagnan den e auto tanto di pasahero y chauffeur a sali y e señora tras di stuur a keda herida y cu sla na cabes. Polis a presenta di biaha na e sitio y a mira e situacion di e señora cu tabata keha di dolor fuerte na cara.
Ambulance a presenta di biaha na e sitio y paramedico a brinda asistencia na e victima di biaha y a stabilise n’e sitio y a keda transporta di biaha pa hospital.
Polis a takel e auto bay cune pa warda te ora cu e persona reclama esaki.