Diamars anochi riba WVB yegando rotonde Ponton un dama den un kia blanco a perde control dal den e muraya cu tin meymey di e caminda cu e sero di santo y a bula esaki y cay otro banda di caminda. E auto a keda kibra parti dilanti, e dama a resulta levemente herida unda ambulance a presenta na e sitio y paramedico a brinda asistencia medico.
Polis di trafico tambe tabata na e sitio pa atende cu e accidente y takelwagen a presenta y bay cu e auto pa su destino.