OROVILLE, California – Mas di 180 mil persona nort di Calfornia a wordo bisa pa evacua nan cas despues cu a haya cu e dos canalnan di desbordamento den e dam di mas halto di Merca a wordo daña.
E aliviadero di emergencia di 770 pia (230 meter) di haltura di e dam Oroville tabata na borde di colapso, segun e autoridadnan.
E exceso di awa ya a stop di flui.
Sin embargo, na ultima ora di diadomingo, Sheriff Kory Honea, di e condado di Butte, a bisa cu e ordennan di evacuacion a keda manteni na su luga.
E nivelnan di awa a aumenta despues di awasero torencial y sneeuw despues di añanan di sekia severo.
Ta e prome biaha cu e lago Oroville, cu ta ubica na 65 miya (105 kilometer) nort di Sacramento, a experimenta un emergencia asina, den e 50 añanan di historia di e dam.
Den un comunicado publica den medionan social den e atardi di diadomingo, sr. Honea a ordena e residentenan na evacua, ripitiendo tres biaha cu esaki “no ta un simulacro.”
E Departamento di Recursonan Hidraulico di California a adverti cu e aliviadero di emergencia banda di e dam tabata ‘predeci e fracaso.”
E residentenan di Oroville, un poblacion di 16 mil persona, a wordo bisa pa nan bay mas panort.
Tabata tin stagnacion riba caminda cu tabata dirigi pafo di e ciudad, cu algun evacuado kehando cu nan mester a wordo alerta mas tempran.
Fuente: BBC