Diadomingo den careda di 3’or marduga autoridad a keda informa cu e dam di Matadera ta completamente na candela. Huma a plama den area di Shaba, Pos Abou, Bubali te areanan pabou. A mobilisa patruya y brandweer pa e sitio, e patruya a constata cu un bes mas tabata e dam na candela.
Bomberonan a presenta di biaha dos truck pa asina por purba na paga mayoria di e vlam grandi, bomberonan a combati esaki te na unda cu nan tabata por. Te hasta den e dam tabatin un mama porco canando rond cu su yiunan.