E prome partido a ranca sali 5:30 cu ta un wega di Campeonato 60+ entre SCA y Nacional/Bubali cu ta den su fase final pa nan tambe bay play-off. Aki SCA ta bay ariba 1-0 pero Nacional/Bubali ta lucha duro y na final ta logra empata y asina wega ta caba 1-1.
Di dos partido ta e prome semi-final entre Nacional y Caravel. Tur 2 team a haya chens di score pero tiro ta sali net un tiki halto y no ta drenta goal. Wega hopi rapido y tin biaha un tiki duro, pero refree a sa di domina e partido. E wega ta kaba 0-0 y ta bay over direct na penalty, mane ta skibi den reglamento di FEDVETA. Aki Caravel ta cunsa shoot y keeper Limonier ta para un bunita bala y nacional ta bay ariba 1-0. Pero den e siguente set bala tira pa Nacional ta ta dal tubo bin afor y wega ta bira 2-2. Den siguiente parti keeper Andi de Cuba di Caravel ta para un tiro y asina Caravel ta bay ariba y ultimo nan ta gana den panalty 4-2. Asina Caravel ta avansa pa e final di 40+ y lo topa e ganador di e siguiente wega.
Siguiente partido ta bay entre Dakota Starzz y Bubali. Aki por bisa Bubali a cunsa bon y e wega ta cu hopi toke rapido cu ambos team creando chens pero defensa solido di ambos banda ta zorg pa e wega bay aden 0-0 na half-time. Den di 2 tempo mester bisa ta cansancio pero Bubali ta kay un tiki den otro y Dakota no ta pordona y cu goalnan di Urvin Maduro, Kenrick Lopez y Lesley Filomena e partido ta kaba 3-0. Dakota ta avansa pa final y lo topa Caravel pa wak ken ta bira campeon di 40+ 2017 di FEDEVETA.
Mester bisa un bon trabou di e muchanan di Hooiberg Vets cu tawata nan beurt pa organisa e play-off di 40+. Nan a zorg pa tur wega bon organisa cu entrada di hungador, himno, presentacion, baricada pa seguridad y sigur un dushi ambiente, Tambe cushina y bar bon surti y sigur despues di wega ambiente bou dak cu Karaoke y Bailamento te laat den anochi.
E final a hala pa dia 30 september riba peticion di teamnan, refree y organisadonan pa asina ta sigur cu e eleccion di dia 22 september no por stroba e evento grandi aki. Invitacion pa tur fanatico di futbol keda pending riba e invitacion. Dia 30 di september lo hunga Naciona contra Bubali pa tercer lugar y despues lo hunga e final entre Dakota Starzz y Caravel.