Diaranson den oranan di atardi autoridad a keda informa cu den Palma Real cu ta e residencia grandi situa na Palm Beach tin un cas na candela, di biaha a despacha trucknan di brandweer y polis p’e sitio. Mientras cu e habitantenan den e residencia a drenta panico door di mira candela rib’e dak di cas.
Brandweer a presenta basta lihe y a drenta accion di biaha pa combati e candela. E candela a keda domina basta liher pa bomberonan. Polis tambe tabata presente pa tuma dato.