Cynthioa Brown ta ricibi clemencia despues di a sinta un condena di 15 aña

TENNESSEE, Merca – Gobernador di estado di Tennessee, Bill Haslam, a otorga Cyntoia Denise Brown clemencia y a anula su cadena perpetuo, na cual el a wordo condena pa asesinato, robo y prostitucion. E no tabata tin derecho na solicita libertad condicional prome cu e cumpli 51 aña di condena.
Brown, di 30 aña, lo wordo laga den libertad condicional pa 10 aña dia 7 di augustus 2019 despues di a cumpli 15 aña den prizon. Na 2006 el a wordo condena pa a mata e broker di 43 aña, Johnny Allen, cu a hib’e su cas na Nashville (Tennessee) pa tene relacion. E homber a mustra Cyntoia su colección di arma y esaki a tira Allen mata ora cu e ultimo aki a bira.
Den e huicio Cyntoia a afirma cu e tabata teme pa su vida, ya cu momentonan prome cu e asesinato a tuma luga, el a pensa cu e homber lo a bay coy un arma pa haci’e daño. Sin embargo, e fiscal di e caso, Jeff Burks, a enfatisa cu despues di a mata Allen, e hoben a horta placa, algun di su armanan y a huy.
Na ora di otorg’e clemencia, e gobernador di Tennessee a considera cu “impone un sentencia di cadena perpetuo riba un hoben, cu lo fors’e di sirbi al menos 51 aña prome cu e por tin derecho di pidi libertad condicional, ta demasiado duro, mas cu tur otro cos, mirando e pasonan extraordinario tuma pa Brown pa drecha su bida”.
• E caso di Cyntoia Brown a hala atencion di Kim Kardashian, cu na november 2017 riba su cuenta di Twitter a urgi pa laga e hoben den libertad.
• Despues di esaki otro celebridadnan a uni na e yamada pa libertad pa Cyntoia, entre cual e cantante Rihanna, e rapper Snoop Dogg, e modelo Cara Delevigne y e basketbolista LeBron James.
• E atencion mediatico na e caso a contribui na cambionan legislativo na Tennesse, unda cu actualmente menornan di 18 aña no por wordo husga pa prostitucion y ta wordo considera victimanan di trafico sexual.

Comments

comments