Durante di 3 di mei pa 14 di mei 2021 e cutter di Kustwacht Panter a tene conhuntamente cu USCGC Donald Horsley, ariba invitacion di USCG Sector San Juan Puerto Rico e operacion Clockwork ariba lama cu e meta pa combati transporte ilegal via lama y reforsa e colaboracion entre e partnernan.
E partnernan cu a traha hunto den e operacion aki ta e Joint Rescue Coordination Center di Kustwacht, cutter Panter, e avion Dash, Sector San Juan Command Center, USCGC Donald Horsley y e U.S. Maritime Patrol Aircraft.
Durante e operacion e cutter Panter y e cutter Donald Horsley a traha serca di otro riba un nivel halto, comunicacion tawata excelente y cu ayudo di e Dash di Kustwacht conhuntamente cu e U.S. Maritime Patrol Aircraft a sa di amplia nos observacion den e region di U.S. Virgin Islands y e sector di St. Maarten, Saba y Statia.