Softball Bond trahando duro pa por realisa e promer campeonato femenino oficial di CONSURSA. Pa cu e evento aki paisnan internacional lo bini cu nan umpire certifica pa umpaya durante weganan. Argentina. Brasil, Peru y Corsou lo ta biahando cu nan umpire. Aruba a solicita na WBSC un instructor di umpire pa asina capacita nos umpirenan local cu e ultimo cambionan. WBSC Americas a apunta instructor di Colombia Sr Mariano Marrugo esun encarga pa duna dicho curso na Aruba.
WBSC Americas alavez a splica cu na cada pais e intencion ta pa keda capacita umpirenan local brindando tur e fair chance pa busca certificacion den futuro door di ricibi un “spoed cursus” di minimo 12 ora unda nan lo wordo permiti pa umpaya den e campeonato femenino di CONSURSA na Aruba. Mariano Marrugo lo ta yegando Aruba diaranson 24 di October unda mesora e curso lo inicia cual lo sigui diahuebs y diabierna y pa diasabra umpire nan local di Aruba tambe lo bay ta riba tereno pa asina cuminsa gana experencia internacional. No solamente esaki Mariano Marugo lo keda Aruba pa henter e campeonato y a wordo apunta pa WBSC como e Umpire in Chief pa henter e campeonato y lo skirbi un rapport di evaluacion na final di cada umpire unda alavez lo conseha cual umpire(nan) lo ta candidato pa bay busca certificacion den futuro. Umpire nan kendenan ta activo den campeonato di softball por comunica cu Zuleyka Willems of miembro di bestuur di ASB pa asina tuma informacion pa sigui dicho curso. Softball den desaroyo.