Actualmente ta na Aruba, Sr. Jaap Molenaar, decano na Instituut Fysieke Veiligheid (IFV) pa cuater dia, pa un acuerdo di cooperacion entre islanan den Caribe Hulandes y Hulanda, firma door di e cuater ministernan di Husticia.
Den e dianan su dilanti, lo traha ariba un plan di cooperacion pa e añanan nos dilanti, pa asina trece e habilidad profesional ariba un solo nivel, pa asina tambe e nivel di tur cuater pais ta ariba un solo liña.
E cooperacion por ta un curso, pero e tambe ta un cuestion pa e bomberonan na Aruba, por hisa nan nivel na loke ta e nivel di Hulanda. Bomberonan di Aruba lo haya un educacion di loke ta comparabel cu Hulanda, pa asina tambe nan califica y miho prepara tambe pa e trabao cu nan ta haciendo. E no ta mescos, pero si a adapta e nivel na e situacion aki den Caribe Hulandes.
E curso ta comparabel pa loke ta wordo haci na Hulanda, pero e calidad di e curso ta na nivel di Hulanda. Asina tur Caribe Hulandes y Hulanda, nan nivel ta mesun halto.
Brandweer ta den constante innovacion, e comunidad ta birando mas compleho. Sociedad ta exigi mas y mas for di gobierno, pa nan siguridad. Esey ta loke ta e caso na Aruba, pa loke ta Brandweer mescos cu na Hulanda. Es decir, exigencianan ta mas halto di cierto dunadonan di servicio.