Biblioteca Nacional Aruba ta ofrece un curso cortico Non-fiction writing di e genero ‘Activismo’. Esaki ta cuminsa dialuna dia 7 di januari pa 5or. Tin 6 sesion. Coach pa e curso aki ta Luis Villegas.
E curso aki ta pa esnan interesa pa expresa nan mes por escrito tocante cualkier tema di preocupacion den comunidad y tambe tocante e sentimentonan pa cu e tema escohi. Registracion por via email [email protected] of whassapp 746 0129, e curso ta costa 75 florin pa persona. (Fechanan ta dia 7, 11, 14, 21 y 28 di januari y ultimo session dia 1 di februari, tur 5or pa 7or). E curso lo culmina cu un publicacion di e resultado di cada participante.