Dialuna, dia 4 di juni, e 10 Duaneronan a yega bek di nan stage na Hulanda. E stage intensivo di un luna tabata e ultimo parti di e opleiding opleiding di 2 aña y mei pa
e rango di Verificateur.
Durante e stage e 10 cursistanan a bishita varios localidad di aduana na Hulanda, entre otro Rotterdam (hoofdkantoor), Arnhem (Landelijk Opsporingsteam), Groningen, Vlissingen, Breda, Rotterdam Maasvlakte y Schiphol. Na cada localidad nan a haya un splicacion y demostracion di e trabounan cu aduana na Hulanda ta haci.
E cursistanan ta remarca cu durante nan stage nan a siña hopi y a estrecha e lasonan
mas intenso cu aduana na Hulanda, pero cu tambe cu e experiencia di e stage lo juda nan den nan futuro trabou den e rango di Verificateur. Palabranan di gradicimento
ta bay na minister di Finanza, Economia y Cultura, Sra. Xiomara Ruiz-Maduro cu a aproba e programa di stage. Un danki tambe ta bay na e comision di e opleiding cu
a haci e stage aki posibel.
Departamento di Aduana Aruba ta gradici Aduana Hulandes pa e excelente cooperacion durante cada etapa di e opleiding na e cursistanan di Aruba.