WALLIS, Suisa – Curpa di un pareha Suiso cu 75 aña pasa a disparce den Alpen, aparentemente a wordo haya riba un gletsjer.
Polis na Wallis a bisa cu e dos personanan aki cu papelnan di identidad a wordo haya door di un persona riba un gletsjer den vecindario di un skilift riba un haltura di 2615 meter. Testnan di DNA a wordo haci pa asina determina e identidad di e pareha.
Diripente el a sak den e gletsjer
“E curpanan tabata cerca di otro. Tabata di un homber y un muhe cu bisti for di e periodo di Segunda Guera Mundial,” Bernhard Tschannen, director di e luga cu nan a yama Gletsjer 3000. “Nan a keda perfectamente perserva den e gletsjer y tur nan posesionnan tabata intacto. Nos ta pensa cu nan lo a cay den un habri, unda cu nan a keda eyden pa decadanan largo.
Ora cu e gletsjer a bira mas chikito, e curpanan a aparece.”
Sapate
Marcelin Dumoulin (40) tabata un sapate y Francine (37) tabata un docente. Nan a laga cinco yiu homber y dos yiu muhe atras.
Marcelin y Francine Dumoulin, mayornan di shete yiu, a disparce ora cu riba dia 15 di Augustus 1942 a bay saca lechi for di baca den e area net riba Chandolin den e distrito di Wallis.
“Nos a pasa henter nos bida ta buscando nan, sin stop. Nos a pensa cu riba un dia nos por duna nan e entiero cu nan merece,” e yiu muhe mas chikito Marcelin Udry-Dumoulin a bisa na e corant Le Matin.
Finalmente un descanso
E yiunan a wordo hiba na famianan despues di e accidente. Marceline a bay na un tanta. E rumannan a perde otro di bista, te ora un di nan na 1957 a organisa un reunion cerca di e gletsjer. “E tabata un momento tremendo pa e famia.”
Hasta Marceline riba su mes a bay tres biaha activamente di buskeda na su mayornan. “Awo cu nan a wordo haya despues di 75 aña, e ta dunami un descanso.”
Fuente: www.rtl.nl