Diabierna atardi helicopter di Kustwacht durante un buskeda na costa nort di Aruba pabou di Alto Vista, caminda pa Urirama, a bin topa cu’n curpa sin bida na e costa.
Di biaha a notifica autoridad unda polisnan y brandweer a presenta. A saca e curpa for di awa y dokter di warda a presenta pa constata morto di e homber aki. Posiblemente ta trata di e homber di nacionalidad Colombiano cu ta perdi for di diahuebs anochi.