Durante di e recuperacion di e barco a encontra curpa sin bida di e operador abordo.
Tabata dialuna 29 di october cu e avion Dash di Warda Costa ta tuma nota di un barco den e awanan entre Bonaire y Corsou. E barco tabata parce un barge. Diamars, 31 di oktober e barco tabata pafo di e costanan di Corsou, cerca di Awa Blanku.
Frisc, e embarcacion interceptor di e Marina Real a sali bay pa saca potret di e barco. Tabata trata aki di barco Ro- Ro ( roll on- roll of) cu a zink. Durante investigacion di Rescue & Coordination Center (RCC) di Warda Costa a sali na cla cu dia 12 di oktober caba e barco aki a zink despues cu el a sali for di Trinidad, rumbo Venezuela. Den e embarcacion tabata tin 5 persona abordo, di cual 4 a wordo rescata door di un piscado di Trinidad. E di 5 persona ainda tabata perdi na e momentonan ey. Tabata tin e sospecho cu e persona aki ainda ta abordo di e barco cu a zink.
Warda Costa ta expresa su mas sincero condolencia na e famia di e difunto.