Diabierna pasa di 7’or di anochi un homber canando banda di lama pega cu e cura di airport banda pazuid entre matanan di mangel a topa cu un curpa sin bida di un masculino pero ya a cuminsa desforma. E homber tur spanta a bati alarma na autoridad, patruya a yega na e sitio di biaha. Polisnan a cana full den e lama pa yega na e curpa cu casi tabata na e mita di e pista di airport biniendo for di pabou. E curpa tabata den estado di descomposicion, polis ta sospecha cu ta di un persona conoci den area di playa pa cana constant suso y bira malo.
E homber cu a haya e curpa a cuminsa bira malo unda a solicita ambulans pa topa e victima pabou di e cura di airport. A notifica autoridad competente pa presenta na e sitio, recherche, departamento forensico, patologo tambe a yega pa mira e curpa.
Problema pa corta e cura di airport.
A dura hopi rato prome cu autoridad di brandweer pa corta e waya di e cura di airport debi cu airport kier sa kende lo paga e gasto si corta e waya pa saca e curpa for di otro banda di e cura. Esaki a bira un problema y a yega na un comprendimento cu mester corta e hero pa yega na e curpa mas lihe sin tur e otro hendenan mester a muha nan curpa y chok den e lodo.