Un vuelo cu destino Dallas mester a wordo manda bek Seattle durante fin di siman debi cu un hende a lubida un curazon abordo, asina Southwest Airlines a duna di conoce.
E vuelo 3606 a jega Seattle procedente di Sacramento, California. Un hende a lubida di baha e curazon prome cu e vuelo a sali bek rumbo pa Dallas, y ora cu e avion tabata bulando riba Idaho e capitan a anuncia cu nan mester regresa. E curazon a wordo manda pa un specialista di tejido p’asina recupera un “valvula” y usa esaki pa un futuro transplante.
Deanna Santa, di e compania Sierra Donor Services, di Sacramento California a bisa cu e organizacion di organonan a manda e curazon cu un mensahero, kende a busca esaki na Sacramento pa manda esaki Seattle. E tardansa sinembargo no a afecta e e uso di e organo y tampoco tabatin patient cu tabatin mester di un transplante urgente. Despues di tur cos e avion a sali bek cu destino Dallas despues di un retrazo di cinco ora.