LELYSTAD- Dos dokter cu mester a traha te cu diabierna den e hospital MC Zuiderzee na Lelystad, a wordo prohibi pa drenta e hospital. E curator ta sospecha cu e dos specialistanan aki lo ta reclutando e pashentnan pa nan propio practica. E dos dokternan ta nenga esaki.
Motibo di e sospecha ta e practica nobo di un di e specialistanan. E no ta muda pa St. Jansdal, cu ta tuma MC Zuiderzee over, entrante 1 di maart. E curator ta sospecha e dokternan tambe di a bay cu archivonan di e hospital.
Saca for di sala di tratamento
Segun un di e dokternan, el a wordo saca for di e hospital durante un consulta. “Pa mi consternacion seis homber, entre cual dos curator y dos miembro di siguridad cu schouder hancho, a bin bisami cu despues di 27 aña mi mester coy mi cosnan y stop cu mi trabao”, segun e kaakchirurg a declara na Omroep Flevoland.
E dokter ta nenga cu e ta purba di recluta clientenan pa su praktijk nobo. Segun e dokter, e pashentnan mes ta kies pa ken nan kier wordo atendi. “Hopi ta e pashentnan cu mi conoce pa 20, 25 aña. Bo ta crea un relacion cu nan. Y si un pashent asina ta sinti’e comodo cu bo, e lo ta dispuesto pa siguibo unda cu bo bay”.
Si e kaakchirurg ta evaluando un caso sumario. E curator ainda no kier duna su comentario ariba esaki. E ministerio di Salubridad Publico a declara cu e pashentnan mag di sigui cu e tratamento pa e dokter cu ta tratando nan.