Fetaeko (Curaçao Taekwondo bònt) a manda 5 Taekwondista pa un kampamentu internashonal ku a tuma lugá na Santo Domingo dia 24 sept. Pa 1 okt. 2018. Na e kampamentu aki a partisipá 20 diferente pais. E paisnan tabata Aruba, Bahamas, Barbados, Cuba, Curacao, el Salvador, Haiti, Honduras, Nicaragua, Panama, Puerto Rico, St. Lucia, St. Vincent/G, Suriname, Trinidat, Guyana, Antigua/B i Grenada.
E kampamentu akí tabata unu hopi intensivo mirando ku e entrenadó nan ta pasa riba tur lokual nan ta esensial pa un atleta por presta i duna un bon bataya na kualke kompetensia. Training nan tabata 3 biaha pa dia i hopi intensivo.
E atleta nan ku a bai pa e kampamentu aki ta Theodore Heyliger di Gold medal Taekwondo School, Reniel Roch di Cham moo kwan Taekwondo School i di Olympia Taekwondo Association a bai Dylano Streedel, Shadeon Donker i Gilson Lourens komo nan entrenadó.
E meta di e kampamentu aki ta pa prepará pa tur e kompromiso nan ku ta biniendo pa sera aña 2018 i bai kue aña 2020.
Fetaeko ta yama un danki na FDOK ku tambe ta forma parti di e logronan di e deporte Taekwondo aki na Curaçao.
Un saludo deportivo,
Olympia Taekwondo Association