Willemstad Curacao Djaweps 15 di desèmber 2016 alrededor di 05.32 or di mardugá, Sentral di Polis a risibí yamada di un aksidente ku a tuma lugá riba Kaya Dominico J.R. Herrera. For di investigashon preliminar a sali na kla ku un vehíkulo ku tabata koré ku velosidat haltu riba Kaya Dominico J.R. Herrera, probablemente den un bògt a pèrdè kontròl riba su stür i bai dal kontra muraya di un kas.
Dor di e impakto shofùr di e outo a sufri leshonnan grave i a fayesé na e sitio.
Dòkter di polis ku a presentá na e sitio a konstatá morto di e hòmber Waldimir Marcos, nasé na Kòrsou, 22 di sèptèmber 1981. Esaki ta e di 18 morto den tráfiko pa aña 2016.
Departamento di tráfiko ta kontinuá ku e investigashon.
Foto cortesia di Direct media Curacao